Një fitore larg Legends Stage, ja kush janë kundërshtarët e sotëm të Bad News Eagles

17:29 | 1 Nëntor 2022
Emir Abduramani

Pas fillimit fantastik me dy fitore në dy ndeshjet e para, Bad News Eagles do ta vazhdojnë rrugëtimin e tyre në turneun më të madh në botë në CS:GO, IEM Rio Major, i cili po mbahet në kryeqytetin e Brazilit, Rio de Janeiro.

“Shqiponjat” do të luajnë sonte nga ora 21:00 ndaj ekipit të 25-të në ranglistën botërore, GamerLegion, të cilët dje mposhtën ekipin të dytë më të mirë në botë, Vitality.

Në rast të fitores, djemtë shqiptarë do të kualifikohen për në “Legends Stage”, ku nga 32 ekipe do të kualifikohen 16 më të mirat, e BNE-ja është në rrugë të mirë për ta bërë një gjë të tillë.

Edhe në majorin e fundit të CS:GO, në Antwerp të Belgjikës, i cili u mbajt në prill të këtij viti, Bad News Eagles u kualifikuan në këtë fazë, për t’u eliminuar më pas.